SCERT class 7 Assamese Chapter 11 গছ ভালপোৱা ককাৰ খং free study material and class notes available here for free. So, if you are looking for class 7 Assamese text book questions-answers (সপ্তম শ্ৰেণী অসমীয়া বিষয়ৰ প্ৰশ্ন উত্তৰ), this is the right place for you. Let’s start the activities.
Class 7 Assamese Chapter 11
Apart from SCERT Assam, we also provide CBSE, NCERT, SEBA, AHSEC free study material here. Now lets have a look at the class 7 Assamese Lesson 11 ( পাঠ ১১ গছ ভালপোৱা ককাৰ খং) solutions.
গছ ভালপোৱা ককাৰ খং
পাঠ ১১ (Class 7 Assamese)
গছ ভালপোৱা ককাৰ খং
ক- পাঠভিত্তিক ক্ৰিয়া
ক্ৰিয়া-কলাপ
প্ৰশ্ন ১। কবিতাটো স্পষ্ট আৰু শুদ্ধ উচ্চাৰণেৰে পঢ়া ৷
উত্তৰ— ছাত্ৰ-ছাত্ৰীসকলে নিজে পঢ়া ৷
প্ৰশ্ন ২। কবিতাটো ছন্দ আৰু লয়ৰ সংগতি ৰাখি আবৃত্তি কৰা ৷
উত্তৰ— ছাত্ৰ-ছাত্ৰীসকলে শিক্ষকৰ সহায় লৈ নিজে কৰা ৷
প্ৰশ্ন ৩। কোৱা আৰু লিখা ৷
(ক) কবিতাটোত কাৰ বিয়াৰ কথা কৈছে ?
উত্তৰ— কবিতাটোত ৰঘুনাথৰ পুতেকৰ বিয়াৰ কথা কৈছে ৷
(খ) আমলখি গছজোপা কিয় কাটিলে ?
উত্তৰ— ৰভা দিবৰ বাবে আমলখি গছজোপা কাটিলে ৷
(গ) কোনে আহি ঘৰখন পূৰাবহি বুলি কোৱা হৈছে ?
উত্তৰ— বােৱাৰী আহি ঘৰখন পূৰাবহি বুলি কোৱা হৈছে ৷
(ঘ) সহজে কি বস্তু ঘূৰাই নাপাব বুলি ককাই কৈছে ?
উত্তৰ— ৰভা দিবৰ বাবে কটা আমলখি গছজোপা সহজে ঘূৰাই নাপাব বুলি ককাই কৈছে ৷
প্রশ্ন ৪। কোৱা আৰু লিখা :
(ক) বিয়া খাবলৈ আহি ককাৰ কিয় খং উঠিছিল ?
উত্তৰ— বিয়াৰ ৰভা দিবৰ বাবে আমলখি গছজোপা কটা দেখি ককাৰ খং উঠিছিল ৷
(খ) বিয়াঘৰত ককাই কিয় একো নাখালে ?
উত্তৰ— আমলখি গছজোপা কটাৰ বাবে খং কৰি বিয়াঘৰত ককাই একো নাখালে ।
(গ) খং উঠাৰ পাছতো ককাই দৰাক কি দিব বিচাৰিছিল ?
উত্তৰ— খং উঠাৰ পাছতো ককাই দৰাক এজোলোকা আশীর্বাদ দিব বিচাৰিছিল ৷
প্রশ্ন ৫। তলৰ কবিতা ফাকি গদ্যৰূপত লিখা—
‘আলহী-অতিথি যাব
ৰভা নাইকিয়া হ’ব
বোৱাৰীয়ে ঘৰখন দিবহি পূৰাই,
পিছে কোৱাচোন ৰঘুনাথ
আমলখি গছজোপা
সহজতে পাবানে ঘূৰাই ?’
উত্তৰ— আলহী–অতিথি যােৱাৰ পাছত ৰভাখন নাইকিয়া হ’ব ৷ বােৱাৰী আহি ঘৰখন পূৰাই দিবহি ৷ পিছে ৰঘুনাথ কোৱাচোন, সহজতে আমলখি গছজোপা জানো আকৌ ঘূৰাই পাবা ?
প্রশ্ন ৬। কবিতাটোৰ মূলভাব লিখা ৷
উত্তৰ— ৰঘুনাথে পুতেকৰ বিয়া পাতিবলৈ লৈ ৰভাপতাৰ অসুবিধাৰ কাৰণে ৰভা ঠাইত থকা অতি প্রয়ােজনীয় আৰু মূল্যৱান আমলখি গছজোপা কাটি পেলালে ৷ ৰঘুনাথে বিয়ালৈ কবিকো নিমন্ত্রণ জনাইছিল ৷ বিয়ালৈ মতাৰ বাবে কবিয়ে ভাল পালে যদিও বিয়ালৈ আহি আমলখি গছজোপা কটা দেখি তেওঁ মনতে বৰ দুখ পালে আৰু খঙো কৰিলে ৷ বিয়াৰ পিছত আলহী–অতিথিবােৰ ঘৰাঘৰি গুচি যাব; ৰভাখনাে ভঙা যাব ৷ ন–বােৱাৰী আহি ঘৰখন পূৰাব; কিন্তু এই যে আমলখি গছজোপা কাটি পেলালে তাক জানাে সহজে ঘূৰাই পাব ? বিয়ালৈ কবি আহিল যদিও বিয়াত একো নোখোৱাকৈয়ে দৰাক এজোলোকা আশীর্বাদ দি তেওঁ ঘৰলৈ গুচি গ’ল ৷
খ- ভাষা অধ্যয়ন (ব্যাৱহাৰিক ব্যাকৰণ)
প্রশ্ন ৭। বাক্য ৰচনা কৰা ৷
এজোলোকা, আলহী-অতিথি, আশীৰ্বাদ, সহজতে, ঘূৰাই, ৰভা
উত্তৰ—
এজোলোকা→ বিহুৰ দিনা এজোলোকা আশীৰ্বাদ দি ককাই “মঙ্গল হওঁক, কুশল হওঁক “বুলি কৈছিল ৷
আলহী-অতিথি→ অনিলৰ বিয়া বুলি ঘৰখন আলহী-অতিথিৰে ভৰি পৰিছে ৷
আশীৰ্বাদ→ জীৱনত উন্নতি কৰিবলৈ হ’লে শিক্ষাগুৰু তথা মাক-দেউতাকৰ আশীৰ্বাদ খুবেই প্ৰয়োজন ৷
সহজতে→ ইন্টাৰনেটৰ সহায়ত আজিকালি মানুহে ঘৰতে থাকি সহজতে দেশ-বিদেশৰ খবৰ পাব পাৰে ৷
ঘূৰাই→ পাৰ হৈ যোৱা সময় ঘূৰাই পোৱা অসম্ভব ৷
ৰভা→ অমলৰ ককায়েকৰ বিয়াৰ বাবে গাৱৰ সকলোৱে মিলি ৰভা দিছে ৷
প্রশ্ন ৮। ‘ক’- অংশৰ লগত ‘খ’- অংশৰ অৰ্থৰ মিল থকা শব্দবােৰ আঁচ টানি মিলোৱা-
| ‘ক’- অংশ | ‘খ’- অংশ |
| ৰভা | দৰব |
| দৰা | বৃক্ষ |
| গছ | বৰ |
| ঔষধ | কোনো অনুষ্ঠানৰ বাবে অস্হায়ীকৈ নিৰ্মাণ কৰা চালি |
উত্তৰ—
| ‘ক’- অংশ | ‘খ’- অংশ |
| ৰভা | কোনো অনুষ্ঠানৰ বাবে অস্হায়ীকৈ নিৰ্মাণ কৰা চালি |
| দৰা | বৰ |
| গছ | বৃক্ষ |
| ঔষধ | দৰব |
গ— জ্ঞান সম্প্ৰসাৰণ
প্রশ্ন ৯। তোমাৰ পৰিয়ালৰ অন্য সদস্যসকলক বা ওচৰ চুবুৰীয়াক গছ-গছনি নাকাটিবলৈ কেনেদৰে বুজাবা কোৱা ৷
উত্তৰ— আজিকালি মানুহে বিভিন্ন কাৰণত গছ-গছনি কাটে কিন্তু সেই অনুপাতে গছ-গছনি ৰোপণ নকৰে ৷ মােৰ পৰিয়ালৰ অন্য সদস্য বা ওচৰ-চুবুৰীয়াও ইয়াৰ ব্যতিক্ৰম নহয় ৷ মই তেওঁলোকক বুজাবলৈ চেষ্টা কৰিম যে গছ নহ’লে পৃথিৱীত মানুহকে আদি কৰি কোনাে প্রাণী জীয়াই থাকিব নােৱাৰে ৷ গছে অক্সিজেন উৎপাদন কৰি, বায়ুমণ্ডলৰ পৰা কাৰ্বন ডাই অক্সাইড আঁতৰাই, অগণন প্ৰজাতিৰ প্ৰাণীৰ বাসস্থান আৰু খাদ্যৰ ব্যৱস্থা কৰি পৃথিৱীত জীৱন ধাৰণ কৰাত গুৰুত্বপূৰ্ণ ভূমিকা পালন কৰে ৷ গছ একেবাৰে নাথাকিলে পৃথিৱীখন মৰুভূমিত পৰিণত হ’ব ৷ গতিকে গছ–গছনি কেতিয়াও কাটিব নালাগে ৷ প্রয়ােজনত কাটিলেও এজোপা গছৰ সলনি দহ জোপা গছ ৰুব লাগে আৰু তাৰ প্ৰতিপাল কৰিব লাগে ৷
প্রশ্ন ১০। “কেৱল বৃক্ষৰােপণ কৰিলেই নহয়, তাৰ প্ৰতিপালন কৰাটোও আমাৰেই দায়িত্ব ।” — কথাষাৰ দলীয়ভাৱে আলােচনা কৰা আৰু দলৰ এজনে বর্ণনা কৰা ৷
উত্তৰ— কথাষাৰ দলীয়ভাৱে আলােচনা কৰি এনেধৰণেৰে বৰ্ণনা কৰিব পাৰি— গছৰ সংখ্যা যিমানেই বৃদ্ধি হয় সিমানেই জীৱ কুলৰ বাবে মংগল ৷ কিয়নাে গছ অবিহনে কোনাে প্রাণীয়েই পৃথিৱীত জীয়াই থাকিব নােৱাৰে ৷ সেই কাৰণে গছ গছনি জধে–মধে কাটিব নালাগে আৰু কাটিলেও এজোপাৰ ঠাইত দহজোপা ৰুব লাগে ৷ যিদৰে বৃক্ষৰােপণ কৰিব লাগে তেনেদৰে তাক প্রতিপালনাে কৰিব লাগে । বৃক্ষ ৰোপণৰ পিছত তাৰ যতন লোৱাতো অর্থাৎ পুলিটো গৰু, ম’হ , ছাগলী আদি জন্তুৱে খাব নােৱৰাকৈ, গা ঘহাই ভাঙিব নােৱৰাকৈ ভালদৰে বেৰ দি ৰাখিব লাগে পুলিটো ডাঙৰ হৈ নিৰাপদ নােহােৱা পর্যন্ত ৷ লগতে পুলিটো কিবা বেমাৰ-আজাৰত আকান্ত্ৰ হ’লে যথোচিত ব্যৱস্থা ল’ব লাগে ৷ যদি এনেদৰে প্রতিপালন কৰা নহয় তেন্তে বৃক্ষৰােপণৰ কাম অথলে যাব ৷
| SL. No. | Contents (Class 7 Assamese) |
| পাঠ-1 | তেজৰে কমলাপতি |
| পাঠ-2 | কালিকা লগা পাট-কাপোৰ |
| পাঠ-3 | পণ্ডিত আনন্দৰাম বৰুৱা |
| পাঠ-4 | জনমভূমি |
| পাঠ-5 | বিজ্ঞান আৰু আমাৰ মানসিকতা |
| পাঠ-6 | নোকোৱাৰ পৰিণাম |
| পাঠ-7 | জতুৱাৰ জঁট |
| পাঠ-8 | মিছাইল মানৱ |
| পাঠ-9 | অসম |
| পাঠ-10 | প্ৰত্যাহ্বান |
| পাঠ-11 | গছ ভালপোৱা ককাৰ খং |
| পাঠ-12 | নামৰ বেবেৰিবাং |
| পাঠ-13 | প্ৰাকৃতিক দুৰ্যোগ |
| পাঠ-14 | বিদ্যা |
| পাঠ-15 | গড়গাঁও |
প্রশ্ন ১১। ‘গছ আমাৰ পৰম মিত্ৰ’ এই বিষয়টো লৈ শ্ৰেণীত পতা তৰ্ক প্ৰতিযোগিতাত অংশগ্ৰহণ কৰা ৷
উত্তৰ— শ্ৰেণী শিক্ষকৰ সহায় লৈ নিজে কৰা ৷
প্রশ্ন ১২। আমলখিৰ দৰে উপকাৰী আৰু সহজলভ্য পাঁচবিধ ফলৰ বিষয়ে লিখা ৷
উত্তৰ— আমলখিৰ দৰে উপকাৰী আৰু সহজলভ্য পাঁচবিধ ফল হৈছে- (১) শিলিখা (২) আম (৩) জলফাই (৪) কঁঠাল (৫) কমলা ৷
প্রশ্ন ১৩। কিছুমান গছৰ ফল–ফুল, ডাল–পাত, গা–গছ আদি আটাইবােৰ অংশই আমাৰ বাবে অতি উপকাৰী । ‘কলগছ’ তেনে এবিধ উপকাৰী গছ । কলগছৰ উপকাৰিতাৰ বিষয়ে দলত আলোচনা কৰি তলৰ তালিকাখন পূৰ কৰা ৷
| গছৰ নাম | ফল | ফুল | পাত | গা-গছ |
| কলগছ |
উত্তৰ—
| গছৰ নাম | ফল | ফুল | পাত | গা-গছ |
| কলগছ | কলগছৰ ফলক কল বুলি কোৱা হয় ৷ | কলগছৰ ফুলক কলফুল তথা কলডিল বুলি কোৱা হয় ৷ | কলগছৰ পাতক কলপাত বুলি কোৱা হয় ৷ সকলাে সকাম–নিকাম আৰু ব্যক্তিগত কামত ব্যৱহাৰ কৰা হয় ৷ | গা-গছৰ কোনো অংশই পেলনি নাযায় ৷ হাতীৰ ই প্রধান খাদ্য ৷ আনহাতে পুলি কলগছ পচলা হিচাপে মানুহে ৰান্ধি খায় ৷ |
পৰিৱেশ সংৰক্ষণৰ বাবে উদযাপন কৰা দিৱস
বিশ্ব বন দিৱস (২১ মাৰ্চ) : প্ৰতি বছৰে ২১ মাৰ্চ দিনটো বন দিৱস হিচাপে পালন কৰা হয় ৷
ধৰিত্ৰী দিৱস (২২ এপ্ৰিল) : পৃথিৱীত মানুহে সৃষ্টি কৰা পৰিৱেশ সম্পৰ্কীয় সমস্যাবোৰ দিনে দিনে বৃদ্ধি পাইছে ৷ এই দিশৰ প্ৰতি সৰ্বসাধাৰণৰ দৃষ্টি আকৰ্ষণ কৰিবলৈ এই দিনটোক ‘ধৰিত্ৰী দিৱস’ হিচাপে উদযাপন কৰা হয় ৷
বিশ্ব পৰিবেশ দিৱস (৫ জুন) : প্ৰতি বছৰে ৫ জুন তাৰিখে পৃথিৱীজুৰি ‘বিশ্ব পৰিৱেশ দিৱস’ পালন কৰা হয় ৷ জনসাধাৰণক পৰিৱেশৰ প্ৰতি সচেতন কৰি তোলাই এই দিৱস পালনৰ মুখ্য উদ্দেশ্য ৷
সাঁথৰ ভাঙা
(ক) খাল-বিল শুকাই গ’ল,
গছৰ আগত পানী ৰ’ল ৷
উত্তৰ— নাৰিকল ৷
(খ) ৰজাৰ লাঠি,
ঘন ঘন গাঠি
উত্তৰ— কুঁহিয়াৰ ৷
(adsbygoogle = window.adsbygoogle || []).push({});